गोपीकृष्ण टीभी फिल्मीले अब ६० सेकेण्डको समाचार बुलेटिन संचालन गर्ने भएको छ । ‘फिल्मी समाचार ६० सेकेण्ड’ नाम दिइएको यो कार्यक्रम असोज २८ गतेबाट सुरु हुनेछ ।
नेपाली सिनेमाका मात्र समाचार प्रशारण गर्दै आएको यो टेलिभिजनले दिनमा ८ पटक आधा घन्टा लामो सिनेमा समाचार प्रशारण गर्दै आएको थियो । चलचित्रका समाचारलाई दर्शकसम्म चाडो भन्दा चाडो पुर्याउने उद्देश्यले यो कार्यक्रम ल्याउन लागेको समाचार प्रमुख विष्णु सुवेदीले जानकारी दिए ।
सुरुमा एक मिनेटको समाचार दिउँसो साढे ३ बजे, बेलुकी साढे ७ र राती साढे ९ बजे प्रशारण हुनेछ । समाचारको प्रभावकारितालाई हेरेर समय बढाउने बताइएको छ ।